“Mipui Healthcare” hi Mizoram Universal HealthCare Scheme (MUHCS) niin, Mizoram sawrkarin ram mipui te tana Healthcare Scheme (Health Insurance Scheme) thar a duan a ni. He scheme hi kan damloh nikhuaa inenkawlna senso phurrit ni ṭhin chhawk zangkhaina atan leh taksa, rilru, thlarau damna leh hrisel zawk kan lo neih theihna tura duan niin, mi zawng zawng thleng phak ‘Universal Health Coverage (UHC)’ kan neih theihna tur atana buatsaih a ni.
Mizoram State Health Care Scheme, AB PM-JAY leh Sawrkar MR, a hranga kal ṭhin chu MUHCS hnuaiah hian hmun khatah chhunfin niin, huang khata kalpui a ni tawh ang a, mipui nawlpui bakah Civil Pensioners thlengin a huam vek tawh dawn a ni. He scheme hnuaia damdawiina inenkawlna hi Package System-a kalpui a ni ang a. Natna zawng zawng deuhthaw mahnia insenso ngai lovin a thlawnin (cashless system) damdawiinah inenkawlna damloten an dawng thei dawn a ni. MUHCS hian scheme ṭan hma aṭanga natna neihsa (pre-existing disease) pawh a huam tel vek a ni. Mizoram chhung leh pawna empanelled damdawiinah MUHCS hi a hman theih dawn a ni.
“Mipui Healthcare” hi Mizoram khua leh tui zawng zawng huap tura duan a nih angin a hmang thei turte chu hetiang hian siam a ni
1) AB PM-JAY Beneficiaries: Central scheme AB PM-JAY hmang thei zawng zawng
2) Govt. Employees: Mizoram sawrkar hnathawk leh an dependent family member te
3) Provisional Employees (PE) / Muster Roll (MR): Mizoram sawrkar hnuaia Provisonal Employees (PE) / Muster Roll (MR) te leh an chhungte (Ration Card milin)
4) Civil Pensioners: Sawrkar hnathawk Pensioner-te leh an chhungkua
5) Contributory Beneficiaries: A chunga tarlan zinga tel ve lo chhungkua zawng zawng (Ration card milin).
MUHCS HMANG TUR TEN HENG TE HI HRIAT TUR
Mizoram Sorkar Hnuaia Sorkar Hnathawk Nghet/Provisional Employees/Muster Roll/Temporary/Work Charge leh an chhungkua te:
1. Sorkar hnathawk hming.
2. Department.
3. Sub Office.
4. Office ID.
5. Pay Level hriat tur.
6. Sorkar Hnathawk Phone No.
7. Damlo Aadhaar Card.
8. Family Declaration (Xerox ken tur).
MIZORAM SORKAR HNUAIA PENSIONER leh an chhungkua te:
1. Civil Pensioner hming (Pension Bu Milin).
2. Pension hlawh lakna Treasury hming.
3. Pension Bu (PPO No. lanna).
4. Monthly Contribution Pek tur zat 500 / 1000.
5. Pensioner Phone No.
6. Ration Card (Xerox ken tur).
7. Damlo Aadhaar Card.
CONTRIBUTORY BENEFICIARY - Man chawia inziaklut chhungkua te:
1. MUHCS Enrollment Form (Xerox ken tur).
2. Damlo Aadhaar Card.
3. Ration Card (Xerox ken tur).
AB PM-JAY AYUSHMAN CARD / GOLDEN CARD nei te:
1. AB PM-JAY Ayushman Card - Golden Card (Xerox ken tur).
2. Damlo Aadhaar Card.